أخبار النيل

بلاش تتجوز: اه ووالله لو سمحت بلاش تتجوز لو

كتبت / آيات القناوى

بلاش تتجوز
اه ووالله لو سمحت بلاش تتجوز لو

١- ناوي ما تصرفش على البيت كله (مش انت النص وهي النص)
٢- لو فاكر ان من حقك تضرب مراتك (ومحدش يقول لي الضرب في القرآن غير لما يقرأ تفسير الضرب يعني ايه وتفسير النشوز يعني ايه)
٣- لو مش ناوي تسمع حكايات مراتك ( من حقها انها تلاقي حد تفضض معاه، وصدقني تفضفض معاك أحسن ما تفضفض مع أمها او صاحبتها، او اي حد تاني)
٤- لو مش ناوي تستحمل شوية نكد وزن (الستات بتحب الرغي والزن لانها بتشوف الحاجات بتفاصيل اكتر بكتير منك)
٥- لو فاكر ان العيال مسؤولية امهم؛ العيال مسؤولية والديهم(الاثنين) مش امهم بس
٦- لو فاكر ان الزوجة خادمة وتصرف على البيت وتاخذ بالها منك
٧- لو حتسمع كلام أمك أو أبوك أو أخواتك وتمشي ورا اي حد فيهم (دورك انك تسمع للكل وتراضي الكل من غير ما تيجي على مراتك)
٨- لو ناوي لو لا قدر الله لو اتطلقتم تطردها من الشقة (انك تكتب الشقة باسم ابوك أو اخوك أو حركات التحايل )
٩- لو مش ناوي ترحمها وتعدي غلطاتها زي ما عايزها ترحمك وتعدي غلطاتك
١٠- الاحتواء، اه الاحتواء اهم حاجة، لانها محتاجة تحس بأهميتها عندك
١١- تبذل مجهود في كل علاقة علشان تتاكد إنكم الاتنين مبسوطين
١٢ – لو مش مستعد تقول آسف، وأنت غلطان أو عشان تهدى موقف ما ..
١٣- لو مش مستعد تتعلم تكون زوج وأب (مش معنى انك اتجوزت انك بقيت زوج صالح، ولا معنى انك خلفت انك بقيت أب صالح)
١٤- لو مش حتخلي أصحابك مش هم الاولوية، وبيتك هو الاولوية
١٥- لو حتطبق الشرع في حقوقك ومش في واجباتك
١٦- لو مش مستعد تحسن من نفسك علشان تعجب مراتك (زي ما عايزها تعمل اعمل)

هي مش مراتك، أنتم الاثنين حتكونوا كيان واحد أسمة “زوجين”
١٧- لو مش مستعد تنتبه دايما لشئون البيت وطلباته والاهتمام به من طعام واثاث المنزل
لو مش ناوي تعمل ال ١٧ حاجة دول ، بلاش جواز لو سمحت، لغايه ما نتحمل المسؤولية احنا الاتنين ..
وفي النهاية السعادة الزوجية ليست حلم بعيد المنال ، فقط تحتاج إلى ذكاء المرأة وتضحية الرجل حتى يعيش الطرفان حياة زوجية مستقرة وسعيدة وبعيدة عن أي شجارات أو خلافات نصيحه للزوج اهتم بزوجتك بدل ما تروح لحد تاني يهتم بيها واعتني باولادك ايضا فكلكم راعٍ وكلكم مسئول عن رعيته

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock