مقالات رأى

مُناَيا يَادُنْيِتِىِ تِكُونِىِ

 

كلمات/ أشرف الحنفى على

 

عَايِشِيِنْ فِىِ دُنْيَا وَاخْدَانَا حَتَىَ مِنْ رُوُحْنَا .. لا دَارْيَهْ بِيِنَا وَلا حَتَىَ تِوَاسِيِنَا فِىِ جِرَاحْنَا ..ولا بِتْمِدْ لِيِنَا شِرَاعْ يِعَدِيِنَا ..وكُلْ يِوُمْ تُشُقْ نهر للأحْزَانْ فِىِ تَكْوِيِنِىِ * فِيِنِ اِنْتَ يَاصَاحْبِيِ .. يَالِلىِ نَبْضَكْ سَكِنْتُهْ فِىِ قَلْبِىِ ؟ .. دَهْ اِخْلاصِىِ لِيِكْ : دَوٍبْ شَرَايِيِنِىِ * كُنًا زَمَانْ قَلْبِيِنْ .. فِىِ كَيَانْ مِنْ حَنِيِنْ .. لِيِهْ فَرَقِتْنَا السِنِيِنْ ، وصَبَحْنَا مِتْغَرَبِيِنْ ؟ .. وبإيديك : حَفَرْتْ جُوَايَا ، سُطُوُرْ هَمِىِ وأنِيِنِىِ * حَبِيِبْتِىِ يَاللِىِ عَلَشَانِكِ ، عِشْتِلِكْ عُمْرِىِ : حِكَايِتْنَا كَانِتْ حَقِيِقَهْ ؟ ، وَلا وَهْمْ وِبِسُرْعَهْ رَاحْ يِجْرِىِ ؟ .. اِزَاىِ وأنَا بِيِكِىِ : رَوِيِتْ عَطَشْ رُوُحِىِ .. وبْلَمْسَهْ مِنِكْ : دَاوِيِتْ ، ألَمِىِ وتَجْرِيِحِىِ .. وِطُوُلْ عُمْرِىِ بَصُوُنِكْ ، فِىِ أحْضَانْ أيًامِىِ وِسْنِيِنِىِ * اِدِيِتِىِ مَعْنَىَ لْحَيَاتِىِ .. مَحِيِتِىِ هَمٍىِ وْآهَاتِىِ .. صَبَحْتِىِ المَاضِىِ والآتِىِ .. وِرُوحِىِ اللٍىِ بِيِنْ ضُلُوعِىِ بِتِحيينِىِ * سَمَا بِهَوَاكِىِ اِحْسَاسِىِ .. اِتْبَسِمْ بِيِكِىِ زَمَانِىِ .. وِهَانِتْ عَلَيًا المَآسِىِ .. خَبيتْ هَواكِى جِوُهْ جِوُه الرُوحْ .. خَبِيتُه فِى نَبضِىِ وِعْيُونِىِ * الحب شِرْيانْ مِنْ حنانْ .. فى البُعد جَمَعْ قلوبنا .. ليه ياحبيبتى عِشقْ السِنِين ، عليكى هانْ وِهُنًـــا ؟ .. دِىِ حتى ذِكْرَىَ الوَدَاعَ .. فى عِنيكِىِ ذَرَاتهَا ضَيَاعْ .. مِينْ فِينَا اللٍى خَانْ وِبَاع .. مْ الشُوق آخِر شُعَاعْ ؟ .. حبيبتى : لو كُنْتِى نِسيتىِ اللٍىِ كان .. اِزاى يِنَسِيِنىِ الزمان حَنينِىِ وشُوقِى اِليكِى ؟ .. أنا مهما بَعًدِكْ زمانى .. وِسَقَانِىِ مَراْرْ حِرْمَانىِ .. لا هيَجَافِيكِى وِجْدَانِىِ .. وعِنيكِى ما تُضُمَهَا لحظه .. غِيرْ أحْضَانِىِ .. ما أنا فيكى لقيت نفسى .. وِمِنٍكْ غَضَبِىِ وِسْكُونِى * بَتْمَنَىَ يا بُكرَه تِجِيلى وِانتَ مِتبسم .. فارد جِنَاح الحَنين عَلىَ كُل مِتألِم لَياليك من غير جِراحْ ولا تِعرف ندَم على اللى راح .. كُلَلك اِيدين مفتوحين .. مُشتاقه تِضُم الحبايب : بِعاد وقريبين .. وكُل دَمعه حزينه : تِدَوِيها ببسمه تِبدِل الحِرمان فِى دُنيا الأمَانى .. تاخُدنا أحلامنا تانى .. لدُنيا مفيهاش ياعمرى .. انسان حزين وحدانى .. يا كُل نقطة شوق لحبايبى كُونى مَطَر .. تِعْلا وِتِعْلا لفُوق .. وتِرْوىِ كل البشر .. تصبح قلوبنا جناين .. طارحه محبه وحنين .. بطعم حلاوة السنين .. وبلون الهنا مِتلَوِنَه عُيونى * مُنايا الظُلم مايدُومش لحظه ما بينا .. ولا تِنجِرِح مِنُهْ فى يوم أبدا خَضَارِةْ قُلوبنا .. ويِصبَح فِى الضَلمَه .. ضَمِيرنَا هُوَ نُورْنَا .. يِحْيِىِ دَقَاتْ قُلوبْنَا .. وف روحى وف مُهجِتى .. بِطُهرُهْ مَاليِنىِ * بَتمنَىَ نِمْحِى العَداوَهْ مِن النفوس العَليله .. وِنِفتح شبابيك قلوبنا ، لِنِسْمِة الصفح الجميله .. نُقُول م القلب أهلاً لكل أحبابنا .. نُضُم روحنا واِيدينا .. وننادى ياولادنا : عاوزين مصر تِرجع لِينا مِن تَانى .. نِبُوس عَلَمْهَا وتُرابها .. اِصْرارنا هوَ شبابها .. نحيا أو نموت ، عايشه هى فى كيانا .. نِسابق بِيهَا أحلامنا .. تِتْباهَىَ بِينَا أزماننا .. رَيِسنَا يارَيِسنَا : يَاللٍى اِنتَ حَارِسنَا .. أمَانَه تُكُونْ مِنَا .. وتصُونَا فِى عُيونَكْ .. وِكُلِنَا ننادى : يامصر يامصرنا ..أعظم بلد انتى .. فى وجودى وف كُوُنِىِ .. يَادُنْيَا يَا دُنْيِتِى .. اِمْتَىَ بَقَا تْكُوُنِى *

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock