محافظات

ضحية الغربة مقتل شاب مصري ب 7 طعنات علي يد شاب سعودي

 

كتبت رغدة زهران

احمد طه حسن… صيدلي متخرج من كلية صيدلة جامعة القاهرة ٢٠١٢بتقدير عالي
احمد ولد وحيد لابوه وامه و له اخت
احمد اشتغل في صيدليات مصر كتير و لكن لما لقي الدخل قليل و مش هيحققله اللي هو عايزه انه يجيب شقة يتجوز فيها و يوفر مبلغ عشان تكاليف الزواج…. فقرر ان يسافر يشتغل بره مصر
خرج احمد من اكتر من خمس سنين للعمل في مجموعة صيدليات النهدي بالسعودية
احمد كان بيشتغل الصبح في صيدلية و بالليل في صيدلية عشان يقصر فترة قعادة في السعودية و يرجع يعيش وسط اهله
احمد حرم نفسه من كل متع الدنيا عشان يحقق حلمه
احمد طول عمره ما غلط فحد ولا عمره شرب سيجارة ولا مشي مع بنت و ولا عمره كان له اعداء….

و هو شغال فالصيدلية جاله واحد عايز يرجع علبة بامبرز فاحمد طلب منه فاتورة الشراء.و لكن ازاي عبد مصري يطلب من سيده السعودي الفاتورة
فقرر السعودي انه يشتمه باهله و امه … سباب متواصل بدون توقف… و قرر انه يعتدي عليه بالضرب…. فاحمد دفاعا عن نفسه ضربه في وشه…. و الناس تدخلت.. و احمد رجعله البامبرز رغم ان ذلك مخالف لقوانين الصيدليه… عمل كده عشان يبعد عن المشاكل و عشان ياكل عيش في سلام… و يحوش المبلغ اللي هو عايزه و يغور من البلد دي
تفتكر الحوار خلص علي كده!
السعودي شاف انه لما اتضرب …. اكنه حد هتك عرضه فقرر انه لازم ياخد حياة احمد عقابا ليه عشان عنده كرامه و مرضيش انه يتشتم و يتضرب
تاني يوم جاله هو و واحد معاه ركنوا العربيه امام الصيدلية….. و بصوا شافوا احمد واقف فالصيدلية
و عشان هما كلاب و جبناء مقدروش يواجهوا احمد فوشه…. عشان ممكن يدافع عن نفسه تاني…. فدخلوا من الجنب من حته مخفيه و استنوا احمد لما ينشغل مع مريض و مركز في الكمبيوتر ……. فانقض عليه و طعنه في القلب و نط فوقيه و قعد يطعن فيه و يتأكد من موته قبل تركه….. و يتأكد من استحالة انقاذه….
السؤال هنا….. انت معاك سلاح…. ليه مدخلتلهوش من الوش زي الرجالة هل ضربة الوجه دي تستحق انك تعاقب حد عليها انك تموته؟؟؟؟؟
انت شايف نفسك اله عشان تقرر انك تنهي حياة واحد بدون ما تعرف ظروفه ولا سبب غربته؟؟؟؟!!!
تفتكر امه و ابوه و اخته حياتهم اللي جاية هتبقي عاملة ازاي و هو كان سندهم الوحيد فالدنيا بعد ربنا؟؟؟
انت تعرف ان احمد كان بيساعد اهله و اخته لتجهيزها للزواج؟؟؟ … انت تعرف ان احمد كان حارم نفسه من كل متع الدنيا عشان ينزل يقعد جنب ابوه المريض و مات قبل ما يتجوز او يشتري الشقة اللي كان بيحلم بيها؟؟؟

احمد اتقتل غدر.و بسبب تافه.و اتعذب في التشريح.و لسه هيتعذب تاني عشان التحقيقات تاخد مجراها قبل ما يوافقوا انهم ينزلوه مصر
المتوقع انهم مش هيخلصوا قبل اسبوعين و ثلاثة…..

كل اللي اهله عايزينه انه ينزل بسرعه مصر و كفاية عذاب فيه.كل اللي عايزينه انه يندفن في مصر جنبهم عشان يقدروا يزوروه.كل احلامهم دلوقتي انهم يخففوا عنه العذاب في الثلاجات و التشريح….. كل اللي عايزينه انهم يدفنوه عشان يقابل رب كريم.. كل حلمهم انه يروح لمنزلته في الجنه مع النبيين و الصديقين و الشهداء و الصالحين

. تم التصريح بان اللي قتله كان مختل عقليا… عشان يهربوه من عقوبته.ياتري دم المصري رخيص كدا

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock