اخبار الفنتحقيقات وتقاريرثقافة وفن

اليوتيوبر ” محمد أوتاكا ” الذي أثار الجدل في الفترة الأخيرة بفيديوهاته المتنوعة ؛ و خطف قلوب الجميع بأفلامه القصيرة

حوار : عمر آدم

: في البداية عرفنا بنفسك ؟؟

: إسمي محمد أوتاكا ‘ يوتيوبر مصري عندي أكتر من مليون مشترك علي اليوتيوب ‘ و ربع مليون متابع علي الإنستجرام ‘ و غير برامج شهيرة تانية عندي ملايين المتابعين فيها .

: كلمنا عن بدايتك في مجال اليوتيوب ؟؟

: بدأت من الصفر في ٢٠١٨ وكنت بحلم أكون حاجة و صورت بي أقل معدات موبيل ب ١٥٠ جنية تقريباً و مكنش يعتبر في صورة كنت بعمل مونتاج بس وكنت متاكد إن في يوم من الأيام هوصل وكنت بصور و بشتغل و بدرس في نفس الوقت رغم إن شغلي كان ١٢ ساعة .

: إيه أول فيديو عملته ؛ وهل حقق نجاح ولا لا ؟؟
: لا بس ميأستش وعملت فيديوهات كتير أوي أوي محققات نجاح بس دا كان بنسبالي مش فارق لأني كنت نفسي أعمل الحاجة الي أنا بحبها بس .

: كلمني عن كواليس أول فيديو عملته ؟؟
: فيديو كله ضحك لحد دلوقتي محتفظ بي عندي وبتفرج علي وعلي كل الفيديوهات القديمة أوي بتاعي وكانت يعتبر كل الكواليس عباره عن ضحك بس .

: بتتعامل إزاي مع الهجوم الي بيحصلك علي السوشيال ميديا ؟؟
: غير كل الناس أعصابي بتتعب وببعد فتره كبيره جداً وبرجع خفيف خفيف الأول كان مبيفقرش معايا كلام حد بس خلاص بقا فعلا أعصابي بتتعب جداً .

: أثرت ضجة في فترة من الأوقات إيه السبب ؛ إتعاملت إزاي مع الموضوع ؟؟
: أنا يعتبر دائماً بثير الجدل بس بحب أتعامل مع الموضوع إن في شخص حقود مش بيحبني و في حد بيحبني بكسب ناس كتير جداً بتحبني وبتفهمني و أي إنسان فاشل ملهوش أي حاجة يعملها غير إن بيكرهه  الناس دا حقود مش عايزه في جمهوري . 

: كلمني بقا عن إتجاهك للأفلام القصيرة ؟؟
: حاجة بحبها أوي أوي و زمان أول لما بدأت عملت فيلم بعنوان ” أمي ماتت يوم عيد الأم ” بسبب الفيلم دا مجبش مشاهدات للأسف لأن مكنتش مشهور وبعد سنه ونص عملته تاني بعد ما بقيت مشهور والله أكبر الفيلم محقق أكتر من مليون و٢٠٠ ألف مشاهدة والأفلام فعلا بحبها جداً جداً بس بتعب أوي في كتابتها و الإخراج .

: إيه ردود أفعال الناس علي أفلامك القصيرة ؟؟
: كل الناس بتحب أفلامي الحمد لله عشان مبتتعملش كتير بس لما بعمل حاجة بعمل حاجة تستاهل ؛ حاجة تشرف الجميع حاجة أي حد في الدنيا ممكن يتفرج عليها وهو مبسوط و أطلع كمان بي أكتر من نصيحة في الفيلم .

: كلمني عن كواليس و أجواء فيلم ” خط أسود ” ؟؟
: تعبت في جداً جداً جداً تصوير الجزء الأول في ١٠ أيام والتاني في ١٠ أيام أقل مشهد إتعاد فوق الي العشر مرات حرفياً أنا أصغر واحد في الفيلم بس أكتر واحد كنت عصبي لأن أنا واحد كاتب و بمثل و بخرج وبنتج وبصور و بعمل مونتاج فا كنت بحاول أعمل حاجه تشرف أوي وفعلاً قدرت أعمل كدا الجزء الأول ناس كتير جداً و أسر وناس مهمه وكبيرة أوي كانو مستنين الجزء التاني وبصراحة الجزء الأول مكنش في إهتمام بيه قوي في زي التاني الجزء التاني أنا في مشهد مثلاً زي مشهد الهكر إتعاد ٥ مرات مره في أكتوبر و نرجع وبعدها المهندسين ونرجع وبعدها أكتوبر وبعدها المهندسين وناس تيجي تصوره وميعجبنيش الأداء بتاعم فا أغيرهم كنت بتعب جداً عشان برضو معنديش المعدات الكافيه إنها تصور فيلم فا كنت بحاول أتعب نفسي أكتر و أكتر بس أطلع حاجة تعجب جمهوري والحمد لله الفيلم نجح والناس كانت حباه أوي وربنا يكرمني و أكون في فيلم في السينما من أفلامي و بطولتي ؛ بس من أعظم أعمالي فيلم ” خط أسود ”  .

: إي أعمالك الفترة الجيه ؟؟

: أنا بحب الأفلام جداً بس المعدات حالياً مش مساعداني ولا أماكن التصوير بس بعافر عشان أوصل برضو وهوصل إن شاء الله أعلي و أعلي بي جمهوري العظيم كل الشكر لي .

بنشكرك يا محمد علي الحوار الممتع ده وربنا يوفقك يارب . 


مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock